Спорт

Шемонаиха ауданында дене шынықтыру және спорттың 2018 жылғы жағдайына талдау

Ауданда дене шынықтыру мен спортты дамыту бойынша 2016-2020 жылдарға арналған өңірлік бағдарлама және аудандық іс-шаралар жоспары әзірленген және кезең-кезеңмен орындалуда.
Дене шынықтыру бойынша оқу сабақтарын жүргізу, дене шынықтыру-сауықтыру жұмыстарын ұйымдастырып, өткізу үшін өңірде 115 спорт ғимараттары бар, оның ішінде: 3 стадион, 30 спорт залы, 2 спорт кешені, 5 шаңғы тебу базасы, 1 ату тирі, 28 футбол және шағын футбол алаңдары, 4 хоккей қорабы. 72 дене шынықтыру ұжымында 13642 адам жаттығады, ол аудан тұрғындарының жалпы санынан 31% құрайды (2018 жылғы 1 қарашаға 43948). 2017 жылдан бастап айналысатындар саны 0,6%, 2016 жылдан 1,1% ұлғайды.
Дене шынықтыру және спорт саласында 109 қызметкердің 80-і жоғары дене шынықтыру білімі барлар. Спорт түрлерінен 38 жаттықтырушы мұғалімдері сабақты тегін негізде жүргізеді, оның ішінде 18 жаттықтырушы ауылдық жерде.
Ауданда «Шемонаиха ауданы дене шынықтыру және спорт бөлімінің балалар мен жасөспірімдер спорт мектебі» КММ өз жұмысын жалғастыруда, 7 спорт түрі бойынша қызмет жасайды: волейбол, акробатика, дзюдо, жеңіл атлетика, футбол, шаңғы жарыстары, еркін күрес; жаттығушылардың саны – 530, бапкерлердің саны - 13. Барлық жаттықтырушы-мұғалімдердің жоғары білімдері бар. Жаттығушылардың саны 2018 жылы 2017 жылмен салыстырғанда 2,3% ұлғайды.
Усть-Таловка к. «Шемонаиха ауданының дене шынықтыру және спорт бөлімінің «Жұлдыз» спорт клубы» КММ-де 11 спорт түрі жұмыс істейді: волейбол, баскетбол, футбол, шайбалы хоккей, жеңіл атлетика, шаңғы жарысы, президенттік көпсайыс, дзюдо, шахмат, шашки, атлетикалық гимнастика (ауыр атлетика, пауэрлифтинг). Жаттығушылардың саны 641 адам, оның ішінде мектеп жасындағы 350 бала. Жаттықтырушылардың саны - 14, оның 11 - жоғары және 3 арнайы орта білімдері бар. Жаттығушылардың саны 2018 жылы 2017 жылмен салыстырғанда 8% ұлғайды.
Жеке кәсіпкерлердің қолдауымен келесі спорт түрлері бойынша секциялар жұмыс істейді: атлетикалық гимнастика, фитнес, кроссфит, пауэрлифтинг, шахмат, спорттық би, бокс, киокушинкай-кан каратэ. Пауэрлифтинг, жеңіл атлетика, үстел теннисі бойынша секцияларда облыстық жарыстардың чемпиондары мен жүлдегерлері болып табылатын мүмкіндіктері шектеулі спортшылар жаттығады.
Мүмкіндіктері шектеулі адамдар үшін «Қызығушылықтары бойынша клуб» жұмыс істейді. Оның өкілдері шахматтан, шашкадан облыстық және аудандық жарыстарға қатысады.
Аудандағы спортты-бұқаралық іс-шаралар күнтізбесіне сәйкес дене шынықтыру және спорт бөлімі білім беру бөлімімен, БЖСМ және басқа да әлеуметтік саланың бөлімдерімен бірлесіп, 2018 жылғы аудандық деңгейдегі 169 спорттық іс-шара даярлап өткізілді, оның ішінде 60 облыстық іс-шараға қатысты. Жалпы облыстық іс-шараларға 930-дан астам адам қатысты. Барлық жарыстардың жеңімпаздары мен жүлдегерлері мақтау қағаздарымен және сыйлықтармен марапатталды.
2018-2019 оқу жылы оқушылардың спартакиадасы аясында жеңіл атлетикадан (ойлы-қырлы жерлер бойынша кросс), шағын футболдан, волейболдан жарыстар өткізілді. Сонымен қатар бозбалалар мен қыздардың арасында баскетболдан, президенттік көпсайыстан (қысқы, жазғы), шаңғы жарысынан, жеңіл атлетикадан, спорттық бейімделуден жарыстар өткізу жоспарланып отыр.
Жазушы-жерлесіміз А.Ивановқа, Убинка совхозының директоры В.Касьяненкоға арналған ерлер командалары арасында волейболдан дәстүрлі турнирлер өткізіледі; Ауған батыры В.Зубконың естелігіне шаңғы жарыстары, шаруа қожалықтары басшыларының сыйлықтарына ат спорты түрлерінен жарыстар өткізіледі.
Дене шынықтыру және спорт бөлімі республикалық “Денсаулық фестивалі», “Спорт күні” республикалық спорт акцияларына, мемлекеттік, ұлттық және халықтық мерекелерін өткізуге қатысады.
Жыл сайын Шемонаиха ауданы әкімінің сыйлықтарына Халық спорт ойындары, барлық ауылдық округтерде, кенттерді және Шемонаиха қаласында тұрғындардың дене дайындықтарына президенттік тест өткізіледі. Қысқы тестке – 4175 адам қатысты, қамтылу тұрғындардың жалпы санынан 9,2% құрады, жазғы президенттік тесті 4572 адам тапсырды, бұл халықтың жалпы санынан 10,3% құрады.
Спорттық оқиғалар мен салауатты өмір салтын насихаттау туралы мақалалар үнемі бұқаралық ақпарат құралдарында жарияланады.
Шемонаиха ауданында барлық мемлекетке тиесілі спорт ғимараттары ақысыз негізде жұмыс істейді. Жеке кәсіпкерлермен аз қамтылған отбасылар балалары бокс, карате спорт түрлерінен секцияларға тегін қатысу үшін меморандумдар жасалды. 2018 жылғы ағымдағы кезеңге меншік секцияларға 15 адам тегін қатысады.

Бөлім басшысы Р. Ахметов

Парақтар өзгертілді: 15-01-2019